Símarómur

Íslenskur talgervill á Android símum.

Símarómur er app fyrir Android-síma sem gerir notendum kleift að nota íslenskan talgervil sem skjálesara. Appið nýtir hraða talgervilsrödd sem ber nafnið “Steinn”, en röddin er þjálfuð sérstaklega til þess að standast kröfur blindra og sjónskertra um viðbragðshraða og skýran framburð. Röddin keyrir á símanum sjálfum og því yfirgefa engir lesnir textar tæki notenda. Símarómur byrjaði sem samstarfsverkefni Grammateks, Tiro ehf og Háskólans í Reykjavík innan ramma áætlunarinnar Máltækni fyrir íslensku 2019-2023 en er nú alfarið á höndum Grammateks.

Símarómur hefur hundruði daglegra notenda, þú getur bæst í þeirra hóp með því að sækja appið:

Símarómur á Google Play

Hljóðbækur

með talgervilslestri

Grammatek þróar hugbúnað til framleiðslu á hljóðbókum með talgervilslestri. Fyrirtækið á í góðu samstarfi við Hljóðbókasafn Íslands um framleiðslu á fjölbreyttum námsbókum fyrir notendur safnsins.

Talgervilslausnir

Grammatek þróar talgervilsraddir og talgervilshugbúnað fyrir fjölbreytt notkunartilvik. Námsefni, formúlur, vefsíður og skjöl - allt með bestu röddum og textavinnslu sem völ er á fyrir íslensku.

Sæmi svarar

Sjálfvirk spurningasvörun.

Spjallmennið Sæmi er snjöll viðbót við vefsíður sem sem innihalda fjölbreyttar upplýsingar. Hann skilur bæði talað mál og ritað og getur svarað spurningum notenda og veitt upplýsingar um efni vefsíðunnar. Hafðu samband ef þú vilt vita meira um hvernig Sæmi getur aðstoðað þína viðskiptavini eða þjónustuþega.

Fyrsta útgáfa Sæma var styrkt af Rannís, Markáætlun í tungu og tækni.

Máltækni fyrir íslensku

SÍM, Samstarf um íslenska máltækni.

Grammatek var þátttakandi í SÍM, Samstarfi um íslenska máltækni, sem framkvæmdi áætlunina Máltækni fyrir íslensku 2019-2023. Anna Björk framkvæmdastjóri er einn höfunda skýrslunnar, sem liggur áætluninni til grundvallar og auk þess sá Grammatek um heildar verkefnisstjórn árin 2019-2021 og 2023-2024. Grammatek sinnti einnig rannsóknum og þróun fyrir verkefnið, fyrst og fremst á fjölbreyttum sviðum talgervingar og appþróunar.

Máltækni fyrir íslensku: GitHub

Máltækniáætlun 1

Fundir og fyrirlestrar

Viltu vita meira um máltækni?

Við hjá Grammateki erum reyndir fyrirlesarar sem getum haldið kynningar á íslensku, ensku og þýsku. Við erum líka alltaf til í spjall um máltækni yfir kaffi, te eða bjór.